"Luna granni a Castiddazzu"

Aeri sira scinnennu du Castiddazzu
la luna facia tanta luci
e m'accumpagnava passu passu!
Pinsava a San Franciscu ca dicia:
"Ti ringraziu me Signuri pì soru Luna
c'allumini la notti mia"
Ma mentri fazzu stì prighieri
un dubbiu m'attanagghia li pinseri...
...dumani tanta genti a Castiddazu
voli vidiri li stelli cadenti
e ora comu fazzu?!
Soru Luna ti pigghiasti
li stiddi tutti interi
e di li genti li desideri!
Ma... ripinsannu a la luci chi facia
dicu: "Soru Luna, stasira, li desideri
l'affidamu a tia"!!
Illumina la vita di l'omu passu passu
ca senza di tia
addiventa un pazzu!!!

Ninni Motisi